Aanar 150
Aanar kåʹdd vieʹttai 150-juʹhlleeʹjj eeʹjjest 2026. Juʹhlleeʹjj juuʹhlʼjummuž altteet juʹn loppeeʹjjest 2025 jueʹtǩeeʹl ǩeeʹjjmieʹldd eeʹjj 2026.
Aanar kåʹdd lij vuâđđuum 25.6.1876 da teâudd 150 eeʹǩǩed eeʹjj 2026 poodd. Juʹhlleeʹǩǩ kuâsttai Aanar jeeʹres siidin määŋgpeällsiʹžžen šõddmõõžži taʹrjjummšin juõʹǩǩ ââʹǩǩjouʹǩǩe.
Juʹhlleeʹjj raajât õõutsââʹjest kååʹdd, kåʹddniiʹǩǩi, põrggsi da jeeʹresnallšem õutstõõzzi tååimast, da tõn tuäivat kueʹđđem põõšši šõddmõõžžid še pueʹttiäigga juʹhlleeʹjj puuʹđeen. Aanar kåʹdd koordinâstt juʹhlleeʹjj šõddmõõžžid da tuärjj šõddmõõžži jäʹrjsteeʹjid jeeʹres naaʹlin.
Tän sijddu liâ norrum ääiʹjpoddsaž teâđ da vuäppõõzz juʹhllekka vuässõõttmõʹšše, da šõddmõškalenteeʹrin kaaunak puk juʹhlleeʹjj šõddmõõžžid Aanar kååʹdd vuuʹdest!
Aanar Historia
Tän sijddu leät noorrâm måtam ouddmiârkid Aanar vuuʹd historiast. Teeʹkst vuâđđâʹvve Aanar kååʹdd õlmstâʹttem historiaǩiiʹrjid Oummui Aanar – Kaaunõõttmõõžži jânnam (2026) di Inari Aanaar – Aanar historia jiõŋŋpââʹjest ânnʼjõžpeivva (2003).
Historia ǩiõttʼtõõlli teeʹkst da snimldõõǥǥ lie še vueiʹnnemnalla Aanar ceerkavsiʹjdde da Âʹvvla eeʹjj 2026 ciâggtum historiataaulin. Taaulid tuejjeeš Aanar kååʹdd 150-eeʹjjprääʹzneǩeeʹjj vueʹssen. Juurd historiataaulin šõõddi Aanar ceerkavsiid aazzji alttõõzz vuâđald.
Historiataaul lie Aanar kååʹdd čõõđ viikkâm obbvuõtt, koon siiskõõzzi valmštõõllmest leät äuʹǩǩääm Sääʹm-museo Siida da Kåʹllmuseo äʹšštobddmõõžž. Täävtõssân lij leämmaž tuejjeed Aanar historiast kuâsttjeei, hiâlpâld âlddnemnallšeeʹm da pukid vuällamlaaǥǥan puuʹteeʹl historia riâddõõvvmõõžžid sijddkoov vueʹssen.
Juʹhlleeʹjj ooudaskataloog
Aanar 150-juʹhlleeʹjj cisttân liâ õlmstõttum mooččâs da uniikk ouddaz, kook liâ juõʹǩǩʼka vuäʹsttemnalla – ääiʹjteʹmes da pääiklânji valmštum moošt juʹhlleeʹjjest. Pieʹǩǩ ouddsin käunnʼje ǩeäʹdǧǧjueʹlǧǧkaaupin da neʹttkaaupin, pieʹǩǩ liâ še tiʹllʼjemnalla vuõiʹǧǧest raajjʼjest. Ouddsi seeidain kaaunak puk kaaupšempaaiʹǩid di hõõʹddid.
#MuuAanar
Måkam lij tuu Aanar?
Lij-a tõt vääžnai staarjõs, äʹrbbvuõtt leʹbe pueʹrmõspäiʹǩǩ luâđast, koozz määccak pâi oʹđđest? Smaakkmoštt, aanarneǩvuõđ kovveei piiutâs, jeeʹres piiutâs leʹbe täʹvver. Šõddmõš, šiâtt leʹbe ouddmiârkkân laaul, kååʹtt mušttat Aanrest.
Čiõlǥât miʹjjid da jeeʹres aanarniiʹǩǩid, mâid Aanar tuʹnne miârkat da måkkmen tuu Aanar kuâsttai, jueʹjjeeʹl snimldõõǥǥ leʹbe video somest (Instagraammâst leʹbe Facebookâst). Ââʹn hästäg #minuninarini / #muuaanar da meärk õlmstâttmõʹšše @inari150. Snimldõõǥǥâst ij taarbâž leeʹd ođđ, pâi vuäitak jueʹǩǩed še ääiʹjben valddum, tuʹnne vääžnai snimldõõǥǥ. Haaʹleen vuäitak tiuddeed õlmstâttmõõžž vuäʹnkõs mainnsin leʹbe kovvõõzzin.
Iʹlmmet šõddmõõžžad leʹbe jurddjad juʹhllekka
Ooccâp mieʹldd juʹhlleeʹjj raajjʼjid – jälsteeʹjid, õhttõõzzid da põrggsid! Vuäitak iʹlmmted šõddmõõžžad Tapahtumien Lappi -šõddmõškalenteera leʹbe kueʹđđed jurddjad juʹhllekka vueʹlnn åårrai lomaakk pääiʹǩ.
Iʹlmmet šõddmõõžžad Tapahtumien Lappi -kalenteera
Puk juʹhlleeʹjj šõddmõškalenteeʹr šõddmõõžž puäʹtte Tapahtumat-seiddõʹsse Tapahtumien Lappi -kalenteeʹr pääiʹǩ tuejjeem vuäjtummšin. Vueʹlnn vuäppõõzz šõddmõõžžad iʹlmmtummša juʹhllekka.
- Iʹlmmet šõddmõõžžad Tapahtumien Lappi -kalenteera. Iʹlmmtummuš õõlǥat õõʹnnitiil raajjmõõžž. Tääʹrǩab vuäppõõzzid kaaunak tääiʹben.
- Tiuddâd taarblaž teâđaid da vaalâž šõddmõõžžad sâjjõssân Inari da lââʹzzet šõddmõõžž äʹššvuʹvdden Inari150.
- Õlmstââʹtt šõddmõõžž. Šõddmõõžžad kuâsttai juʹhlleeʹjj šõddmõškalenteeʹrest, Aanar kååʹdd šõddmõškalenteeʹrest di õlmmsest Tapahtumien Lappi -kalenteeʹrin nuʹt-aa pueʹtti arggpeiʹvven.
- Tååimat šõddmõõžžstad še snimldõõǥǥid juʹhlleeʹjj koordinaattooʹre, nuʹt vuäǯǯak âânnmõʹšše šõddmõõžžad markknâʹsttem-materiaalid juʹhlleeʹjj visuaalaž ǩicstõõǥǥin.